బట్టతలా ??

1. దానిమ్మ ఆకులు నీటితో ముద్దగా నూరి.... బట్టతల వస్తున్న ప్రదేశంలో స్కాల్ప్ పై రోజూ రబ్ చేయాలి.

ఇంకోక చిట్కా

2. బట్టతల ఉన్న ప్రదేశంలో నీరుల్లిపాయ స్లయిస్ తో బాగా రబ్ చేసి అనంతరం తేనె పూస్తుండాలి.

(వండర్ వరల్డ్ బ్యూటి టిప్స్ నుండి సేకరించినది.)

తల వెంట్రుకల జిడ్డును పోగొట్టుకోవడానికి

కందిపప్పు 50 గ్రా
నిమ్మరసం తగినంత

ఒక పాత్రలో కందిపప్పు వేసి అది మునిగేవరకు నిమ్మరసం వేసి నానబెట్టాలి. నానిన తర్వతా మెత్తగా నూరి జిడ్డుగా వెంట్రుకలను పాయలు పాయలుగా తీసి పట్టించాలి. తర్వాత ఒక అరగంట ఆగి కుంకుడుకాయలతో తలస్నానం చేయాలి.

ఏల్చూరి గారి జీ-తెలుగు కార్యక్రమం నుంచి సేకరించినది

జుట్టు నల్లబడటానికి వెల్లుల్లి తైలం

ఆలివ్ ఆయిల్ 100 గ్రా
వెల్లుల్లి పై పొట్టు సుమారుగా తీసుకోండి

తయారు చేసే విధానం :
పొయ్యి మీద బాణిలి పెట్టి వెల్లుల్లి పొట్టును సన్నమంటపై వేయించాలి. అలా వేయించగా వేయించగా నల్లని పొడిగా బూడిదలా తయారయ్యేవరకూ వేయించాలి. ఆ పొడిని జల్లించండి.

అలా జల్లించిన పొడిని పావు టీ స్పూన్ తీసుకొని ఆలివ్ ఆయిల్ లో బాగా కలిసిపోయేట్టు కలిపి వారం రోజుల వరకు కదపకుండా ఉంచండి. దీన్ని గాజు సీసాలో నిల్వ చేసుకోవాలి.

ఉపయోగించే విధానం :
రాత్రి చక్కగా నిదానంగా మాలిష్ చేస్తూ తలకు పట్టించాలి. మరుసటి రోజు కుంకుడుకాయలు లేదా శీకాయలతో తలస్నానం చేయడం ద్వారా క్రమంగా నల్లబడుతుంది.

ఏల్చూరి గారి జీ-తెలుగు కార్యక్రమం నుంచి సేకరించినది.

మలబద్ధకాన్నీ నివారించే గులాభి లేహ్యం

ఎండిన నాటు ఎర్ర గులాబిరేకల పొడి - 100 గ్రా
వేయించిన సొంఠి పొడి - 100 గ్రా
సునాముఖి పొడి - 100 గ్రా
కిస్ మిస్ - 100 గ్రా
సైందవలవణం పొడి - 100 గ్రా
తేనె తగినంత

తయారుచేసే విధానం :
ఈ పొడులన్నింటిలో కిస్ మిస్ పళ్ళు వేసి కొంచెం కొంచెం తేనె అందులో కలుపుకుంటూ మెత్తని ముద్దగా నూరి గాజు సీసాలో నిల్వ చేసుకోవాలి. సేవించేటపుడు తడి లేకుండా పొడిగా ఉన్న స్పూన్ మాత్రమే ఉపయోగించాలి.

సేవించే విధానం :
వయసును బట్టి పిల్లలు 10 గ్రా పెద్దలు 10 నుంచి 20 గ్రా రాత్రి ఆహారం తిన్న 2 గంటల తర్వాత నిద్రపోయే ముందు చప్పరించి తిని మంచినీళ్ళు త్రాగాలి.

రోజూ వేసుకోవచ్చు కానీ ఇది వేసుకొనేటప్పటికి బోజనం చేసి 2 గంటలు అయిఉండాలి.

ఏల్చూరి గారి జీ-తెలుగు కార్యక్రమం నుంచి సేకరించినది.

అర్శమొలల నివారణకు మాత్రలు

కుంకుళ్ళ పై బెరడు బాగా నలగగొట్టినది - 100 గ్రా తీసుకొని దాన్ని కొంచెం కొంచెంగా నీరు పొసి ముద్దగా నూరుకోవాలి. వీటిని చిన్న శనగగింజలంత మాత్రలుగా చేసుకొని బాగా గాలికి తగిలే చోట పరిశుభ్రమైన ప్రదేశంలో నీడలో ఆరబెట్టాలి. మొత్తం నీరు అంతా ఆవిరి అయిపోయేలా సుమారు 4,5 రోజులు ఆరబెట్టి గాజు సీసాలో నిల్వచేసుకోవాలి.

సేవించే విధానం:
రక్తమొలలు గలవారు మంచి నీటితో 3 పూటలు ఆహారానికి అరగంట ముందు 1 మాత్రను వేసుకోవాలి.
ఎండుమొలలు గలవారు పలుచని తీయని మజ్జిగతో 3 పూటలు ఆహారానికి అరగంట ముందు 1 మాత్రను వేసుకోవాలి.

అసలు మొలలు ఎందుకు వస్తాయి?
రోజులో ఎక్కువగా కూర్చోనేవాళ్ళకు, మాంసం, మసాలాలు ఎక్కువగా వాడేవారికి, రాత్రి ఆలస్యంగా భోజనం చేసేవారికి, సూర్యోదయం తర్వాత లేచేవాళ్ళకు, టీ, కాఫీలు, మద్యపానం అధికంగా సేవించేవారికి, ప్రకృతి వ్యతిరేక జీవన విధానం వల్ల వస్తాయి.

ఏల్చూరి గారి జీ-తెలుగు కార్యక్రమం నుంచి సేకరించినది.

పులిపిర్లు తొలగించుకోవటానికి

చిన్న అల్లం ముక్క తీసుకొని దాన్ని ఒక వైపు పెన్సిల్ మొన చెక్కినట్టుగా అల్లాన్ని చెక్కాలి.

తర్వాత కొత్త సున్నంలో ఆ అల్లం మొనను అద్ది పులిపిర్లపై రాయాలి.

ఏల్చూరి గారి జీ-తెలుగు 8-1-2009 కార్యక్రమం నుంచి సేకరించినది.

పొట్ట తగ్గడం కోసం

ఒక గ్లాసు గోరువెచ్చని నీటిలో సగం నిమ్మబద్ద రసం పిండి ఒక స్పూన్ తేనె కలిపి త్రాగాలి.

సేవించే విధానం :
రోజుకు మూడు సార్లు త్రాగాలి. కానీ, ఇది త్రాగే ఒక గంట ముందు ఏమి తిని ఉండకూడదు. అలాగే త్రాగిన ఒక గంట తర్వాత కూడా ఏమి తినరాదు.

ఇది మొదలు పెట్టిన మొదటి రోజున ఒక పూట మాత్రమే అంటే ఉదయం పరగడుపున త్రాగాలి.
రెండవ రోజు పైన చెప్పిన విధంగా ఉదయం మరియు రాత్రి త్రాగాలి.
మూడవ రోజు ఉదయం, మధ్యాహ్నం, మరియు రాత్రి త్రాగాలి.

ఉదరంలో ఏమైనా సమస్యలున్నవారు చిన్న గ్లాసు గోరువెచ్చని నీటిలో పావు నిమ్మబద్ద రసం మరియు సగం స్పూన్ తేనె కలిపి త్రాగవచ్చు.

నీరు మరీ ఎక్కువగా వేడి చేయరాదు... గోరువెచ్చగా మాత్రమే ఉండాలి.

ఏల్చూరి గారి జీ-తెలుగు 9-1-2009 కార్యక్రమం నుంచి సేకరించినది.

ఉదర సమస్యలకు సాంబారు పొడి

ఇంగువ, వాము, జీలకర్ర, సొంఠి, మిరియాలు వీటన్నింటిని సమభాగాలుగా తీసుకొని పొడిచేసుకోవాలి.
ఇంగువను మాత్రం పొంగించి పొడిచేసుకోవాలి.తగుమాత్రంగా సాంబారు, చారు, పప్పు, ఇగురుకూరల్లో వేసుకోవాలి

మోకాళ్ళ నొప్పులు, వాపులు

చారెడు బియ్యం నీళ్ళల్లో నానబెట్టి తర్వాత ఆ బియ్యంను తీసేసి ఆ బియ్యం నీళ్ళతో ఉమ్మెత్తకు మెత్తగా నూరి పడుకోబోయేటపుడు మోకాలికి పట్టించాలి.

దగ్గు, ఆయాసంకు గౌరి చూర్ణం

పసుపుకొమ్ములు - 100 గ్రా
గోధుమలు పాతవి, నాటువి - 100 గ్రా
పసుపుకొమ్ములను ముక్కలుగా చేసి, వాటితో గోధుమలను కలిపి మట్టి మూకుడు లేదా ఇనుప బాణిలిలో వేసి వేయించి, పొడి చెయ్యాలి.బోజనానికి ముందు అరకప్పు గోరువెచ్చని నీళ్ళతో చెంచాపొడిని కలిపి తాగాలి

మలబద్ధకాన్ని నివారించే గులాబి లేహ్యం

కావలసిన పదార్ధాలు
నీడిలో ఎండబెట్టిన గులాబి రేకుల పొడి - 50 గ్రా
సొంఠి పొడి - 50 గ్రా (దోరగా వేయించిన సొంఠిని పొడి చేసుకోవాలి)
సునాముఖి ఆకు పొడి - 50 గ్రా
ఎండు ద్రాక్ష - 50 గ్రా
సైందవలవణం పొడి - 50 గ్రా

తయారుచేసే విధానం
గులాబి రేకుల పొడి, సొంఠి పొడి, సునాముఖి ఆకు పొడి మరియు సైందవలవణం పొడులన్నింటిలో ఎండు ద్రాక్ష వేసి కొంచెం కొంచెం తేనె అందులో కలుపుకుంటూ ముద్దగా నూరుకోవాలి.

సేవించే విధానం
బాగా చిన్నపిల్లలకైతే 1 నుండి 3 గ్రాల వరకు ఇంకాస్త పెద్ద పిల్లలకు 5 గ్రా యుక్తవయసు వారికి 10 గ్రా.... పెద్దలు రెండు, మూడు రోజులకొకసారి విరేచనం అయ్యేవారు 10 నుండి 20 గ్రాముల వరకు తీసుకోని రాత్రి పూట నిద్రపోయే ముందు చప్పరించి తిని మంచినీళ్ళు తాగాలి.

గమనిక
ఇది వేసుకొనేటప్పటికి బోజనం చేసి రెండు గంటలయ్యి ఉండాలి. అంటే రాత్రి 8గం. లకు బోజనం చేస్తే 10 గం.లకు వేసుకోవాలి.

అధిక చెమట - దుర్వాసన - నివారణ

కరక్కాయ బెరడు (అంటే కరక్కాయల్లో గింజలు తీసేసి పైన ఉండే బెరడు) నీటిలో వేసి మెత్తగా రుబ్బి పేస్ట్ లా చేసుకోని ఒళ్ళంతా రాసుకొని, అది ఆరిపోయాక సున్నిపిండితో, గోరువెచ్చని నీటితో స్నానం చేయాలి. ఇలా 40 రోజులు చేయాలి.(జి-తెలుగు ఏల్చూరి గారి ‘సౌందర్యవేదం’ నుండి సేకరించినది.)